Милли кәсептәребеҙ  һәм халыҡ  педагогикаһы

 Милли кәсептәр  - ул тормош мәктәбе. Баланы хеҙмәткә өйрәтәбеҙ, күңеленә халҡыбыҙҙың рухи ҡиммәттәрен һалабыҙ.Уларҙы милли кәсептәребеҙ менән таныштырабыҙ, тарихын,ҡулланышын өйрәтәбеҙ ,эшләү алымдарын күрһәтәбеҙ.Халҡыбыҙҙың мәҡәлдәрен, әйтемдәрен ҡулланып, баланың күңелен күтәреп, дәртләндереп ижади асышҡа юл асабыҙ.Әкиәттәр, легендалар аша халҡыбыҙҙың тарихын өйрәнәбеҙ.Йомаҡтар ҡойоп  баланың тапҡыр яуап биреүен,отҡорлоғон үҫтерәбеҙ.Тел күнекмәләре аша баланың телмәрен байытабыҙ.

        Иң мөһиме – балаларҙы милли кәсептәргә өйрәтәбеҙ,быуындар күсәгилешлеген дауам итәбеҙ һәм халыҡ педагогикаһы ҡулланып,уларҙы  милли рухлы итеп тәрбиәләйбеҙ.