Милли байрамдар

 Балаларҙы тыуған төйәк  менән таныштырғанда,үҙ төйәгебеҙгә генә хас милли йолаларҙы ҡулланып, байрамдар уткәреү, бала күңелендә лайыҡлы эҙ ҡалыуына шик юҡ.Сөнки байрамдарҙа балаларҙың күңел күтәреңкелеге, шатлыҡ хистәре уяна,кешеләргә ҡарата изгелек, рухи ҡиммәттәргә оло ихтирам тәрбиәләнә.

    Ошо саралар аша балаларҙы үҙ төйәгебеҙҙең тәбиғәтен яратырға, ҡурсаларға өйрәтәбеҙ, данлыҡлы кешеләре, милли йолалары һәм ошонда йәшәүсе төрлө милләт кешеләре менән таныштырабыҙ.

  Районыбыҙҙа игенселек,малсылыҡ,умартасылыҡ,йылҡысылыҡ бик алға киткән. Улар менән бәйле ғөрөф – гәҙәттәр,йолалар барыһыла тыуған төйәгебеҙгә хөрмәт, ихтирам, һөйөү тәрбиәләй.

   Шулай уҡ милли кәсептәрҙе тергеҙеү һәм улар менән таныштырыуҙа бала күңелендә әһәмиәтле урын ала. Байрамдарҙа ауылыбыҙ ағинәйҙәре ҡатнашыуы, уларҙың фәһемле кәңәштәре, тапҡыр йор һүҙҙәре,әкиәт – риүәйәттәре, йыр – бейеүҙәре,  төбәгебеҙгә генә  хас төрлө йолалар менән таныштырыуы бала күнеленә орлоҡ һалып, милли үҙаңлы һәм рухи мәҙәниәтле шәхес булып формалашыуыны нигеҙ булып тора.